Геннадий Головкин (42-2-1, 37 КО) Сауль "Канело" Альвареспен (58-2-2, 39 КО) трилогиядан кейін арадағы араздық та біткенін мәлімдеді, деп хабарлайды Vesti.kz.
Бүгін өткен үшінші айқаста Альварес төрешілер шешімімен жеңіске жетті.
"Неге нашар бастадым? Бұл деңгейде - бұл жоғары санаттағы бокс. "Канелоның" кім екенін бәрі біледі. Бір қадамың қағыс кетсе, жекпе-жек аяқталады. Бір соққы - жеңіліс. Оның бетіне, менің бетіме қараңыздар - екеуміз де тазамыз. Бұл өте жақсы дайындықтан кейінгі айқас.
Бұл жолы бірінші айқаспен салыстырғанда тактика көбірек болды, шахмат ойнағандай.
Біздің жоспар - айқастың екінші бөлігінен бастап белсендірек болу. Өзімді жақсы сезіндім.
"Канеломен" араздық аяқталғанына 100 пайыз. Барлық мықты боксшылар - біз баскетболшылар сияқтымыз: Лебронның Кобеге қарсы, Кобенің Майк Джорданға қарсы болғанындай. Биікте біреу ғана қалады", - дейді Головкин.