Орта салмақта IBF және IBO белбеулерінің иегері қазақстандық Геннадий Головкин (41-1-1, 36 КО) осы салмақта WBA тұжырымының "суперчемпионы" жапониялық Риото Муратаға (16-2, 13 КО) қарсы қалай дайындалып жатқанын көрсетті, деп жазады Vesti.kz тілшісі.
Алдағы кездесуге дайындалып жатқан видеосын Головкин Instagram парақшасына салды.
"GGG-дің стиліндегі дайындық", - деп жазды қазақстандық боксшы.
Еске салайық, Головкин мен Мурата арасындағы кездесу әу баста 29 желтоқсанда өту керек еді. Дегенмен ол кезде Жапонияда карантин талаптары күшейіп, шекара жабылып қалды. Енді бұл жекпе-жек 9 сәуір күні Сайтамада өтеді.