Головкин досым, бірақ, қарымтада "Канело" жеңеді - атақты бапкер

Атақты америкалық бапкер Фредди Роуч Behind The Gloves басылымына берген сұхбатында қазақстандық Геннадий Головкин мен мексикалық Сауль "Канело" Альвареспен арадағы қарымта кездесуге қатысты ойын айтты, - деп хабарлайды vRINGe.com.

Қарымта кездесу 15 қыркүйекте Лас-Вегастағы T-Mobile аренасында өтеді. 

- Golden Boy үшін ең үлкен жекпе-жек - Головкина мен Альварес қарымтасы. Келісімшартқа қол қойылғаннан кейін жекпе-жек туралы не айта аласыз?

- Жекпе-жекті ұйымдастыру оңай болған жоқ. Бұл тамашалауға тұрарлық кездесу. "Канело" де, Головкин де бір-бірінен қорықпайды. Қарымтаны асыға күтіп келем, сұмдық болуы тиіс.  

- Бүл жекпе-жекте кім басым болады және неліктен? Бокс сарапшысы ретінде олардың кемшіліктері мен артықшылықтары туралы не айтасыз?

- Головкин менің досым. Оны жақсы білемін, ұнайды. Дегенмен қазір жас әрі күш-қуаты бар боксшы "Канело" болып тұр, ал Головкин баяулап қалған. Алдыңғы жекпе-жекте оның аяқтары "Канелоның" қозғалысына ілесе алмады. "Канело" төрешілер шешімімен жеңеді деген ойдамын. 

Головкинге "Канелодан" кейінгі қарсылас табылды

NYFights спорт сайтының журналисі Джон Гатлинг те осындай ойда. Оның сөзінше, Головкин бұл жекпе-жекте ойсырай жеңіледі. 

Алайда екі салмақ дәрежесінде чемпион болған америкалық Тимоти Брэдли басқаша ой айтты. Брэдли қарымтада Альварестен ірі әрі күштірек Головкин жеңіске жетеді деген ойда.