Орта салмақта екі дүркін әлем чемпионы Геннадий Головкин (41-1-1, 36 КО) карьерасына көңілі толатынын айтады. Бұл туралы 39 жастағы қазақстандық Yahoo! Sports журналисті Кевин Айолеге берген сұхбатында мәлімдеді, деп хабарлайды Vesti.kz.
- Геннадий, карьераң тамаша, ұзақ уақыт әлем чемпионы болдың. Карьераң аяқталып, Сауль Альваресті үшінші айқаста жеңе алмасаң, кеудеңде өкініш қала ма?
- Мүлде болмайды. Мен ересек адаммын. Мен бұған қалыпты қараймын және осы деңгейге жетуге көмектескен адамдарға алғыс айтамын. Әрбір боксшы мұндайға жете бермейді. Не болса да - бәрі дұрыс. Егер біздің айқас өтсе, бұл мен үшін өзіндік бір бонус болады. Өтпесе түк етпес.