Польшалық боксшы Камил Шеремета (21-0, 5 KO) қазақстандық Геннадий Головкинмен (40-1-1, 35 КО) титулды жекпе-жекке қатысты пікір білдірді.
"Бұл титулды Польша мен отбасым үшін жеңіп алғым келеді. GGG - ұлы чемпион, тарихтағы ең мықтылардың бірі, бірақ, оны алмастыратын уақыт келді. Тамаша мүмкіндік үшін алғыс білдіремін, осыны пайдалана алуым керек, Польшадан шыққан орта салмақтағы бірінші әлем чемпионы атану үшін", - деп береді Шереметаның сөзін DAZN.
GGG мен Шеремета жекпе-жегі Холливуд қаласындағы (АҚШ, Флорида штаты) Hard Rock Holly казино-қонақүйіндегі шоудың басты оқиғасы болады. Бокс кешін DAZN стриминг сервисі трансляциялайды.