2 маусым Нью-Йоркте өткен жекпе-жекте Джошуа карьерасында алғаш рет жеңіліп, Руис күтпеген жерден жеңімпаз атанды. Нокаутпен жеңілген британиялық WBA, WBO, IBF және IBO белбеулерін қорғай алмады. Осыдан кейін хэвивейттегі соңғы абсолют әлем чемпионы атақты Леннокс Льюис отандасы Джошуаға тезірек бапкер ауыстру керегін айтқан.
Боксшы Маккракеннен кеткені туралы ақпарат шықпай тұрып, 1996 Олимпиада чемпионы, кәсіпқойда да әлем чемпионы болған америкалық Антони Тарвер британиялыққа бапкер болуға дайын екенін жеткізді.
"Чемп, жаңа бапкер іздегеніңді естідім. Әлемдік деңгейдегі маман керек болса, карьераңды жаңа арнаға бұрғың келсе, мені тізіміңе ала сал. Менде бәрі бар: тәжірибе де, ойымды да жеткізе аламын. Мен білмейтін бокс стилі жоқ. Маған мүмкіндік бер, өкінбейсің", - деп жазыпты ол әлеуметтік желіде Джошуаға.
2018 жылы спортта көп жүріп қалған Тарвер, оның үстіне допинг даулары және рингтен тыс жағымсыз қылықтарымен беделін құртып алған, карьерасын аяқтап, телесарапшы болғысы келген.
Айта кетейік, бастапқыда Джошуаның қарсыласы Джарелл Миллер болады деп жоспарланған еді, алайда, ол допинг-тесттен өте алмады. Осылай жекпе-жекке дейін бір айдай қалғанда оны алмастырды.
2016 жылы Руис сол кездегі WBO чемпионы Джозеф Паркерден төрешілер шешімімен жеңілген. Бұл жекпе-жекке дейін тегі мексикалық боксшыны Санчес жаттықтырған, ал қазақстандық Геннадий Головкин оған жекпе-жекке дайындалуға көмектескен еді. Алайда жеңілістен кейін Руис басқа бапкерге кетіп қалған еді.