Бірінші орта салмақтағы қазақстандық Дәурен Елеусінов (11-3-1, 10 КО) Нью-Йоркте өткен бокс кешінде жеңілді, деп жазады Vesti.kz.
Бокс кешінің басты айқасында WBC Continental Americas белбеуі үшін жекпе-жекте ол "Король" лақап атты Каллум Уолшпен (9-0, 7 КО) он раундтық жекпе-жекке шыққан. Бұл кездесуде ирландиялық боксшы тоғызыншы раундта техникалық нокаутпен жеңді.
Айта кетейік, Уолштың ісін Геннадий Головкиннің бұрынғы промоутері Том Леффлер жүргізеді. Ол ирландилық боксшыны GGG-дің ізбасары деп атаған болатын.