UFC чемпионы Камару Усманның (20-1) менеджері Али Абдель-Азиз мексикалық боксшы Сауль "Канело" Альваресті (57-1-2, 39 КО) қатты сөкті, деп хабарлайды Vesti.kz.
"Канело" - нағыз қорқақ, ол Instagram желісінде 5000 жазылушысы бар жігіттермен айқасып жүр, ал олар мұра қалдыру үшін пайдасыз. Ол Камару Усман сияқтыдан жеңілуден неге қорқатынын түсіндім, бұл қоян жүректердің стилі, қауіп жоқ - марапат та жоқ.
Сен және Усман арасында қандай айырмашылық барын білесің бе? Сен Головкинмен жұдырықтасудан екі жыл қашып жүрдің, ал Камару UFC-де қарсы қойғандардың бәрімен айқасты. Қазір Рамазан болғандықтан бұл жұмсақ айтып тұрғаным", - дейді менеджер.