Қазақстандық боксшы Айбек Оралбай Англияның Ливерпуль қаласында өтіп жатқан 2025 жылғы әлем чемпионатының финалына өтті, деп хабарлайды Vesti.kz.
Аса ауыр салмақтағы (+90) жартылай финалда Оралбай атақты кубалық спортшы Хулио Сесар Ла Крусты сенсациялық түрде 3:2 есебімен жеңді.
Айта кетейік, Хулио Сесар - екі дүркін Олимпиада чемпионы (2016, 2020) және бес дүркін әлем чемпионы (2011, 2013, 2015, 2017, 2021).
Кешегі жарыс күнінде тағы бірнеше қазақстандық боксшы шаршы алаңға шықты.
Жартылай финалға жолдама алғандар:
Назым Қызайбай (48 кг дейін) - украиналық Анна Охотаны жеңіп, кемі қола жүлдеге жетіп отыр;
Санжар Тәшкенбай (50 кг дейін) - үндістандық Жадумани Сингх Манденгбамды жеңіп, қола медаль иегері атанды.
Финалға шыққан боксшы:
Аида Әбікеева (65 кг дейін) — ирландиялық Мэри Грэйнн Уолшты жеңіп, алтын үшін өзбекстандық Навбахор Хамидовамен кездеседі.
Қола жүлдемен шектелгендер:
Виктория Графеева (60 кг дейін) — бразилиялық Ребека Де Лима Сантостан күтпеген жерден есе жіберді;
Елдана Тәліпова (80 кг жоғары) — польшалық Агата Качмарскадан жеңіліп қалды.
Еске салайық, 2025 жылғы әлем чемпионаты алғаш рет жаңа World Boxing ұйымының ұйымдастыруымен өтіп жатыр. Турнир 4 қыркүйекте басталды және 14 қыркүйекке дейін жалғасады.
Жарнама