Екі дүркін әлем чемпионы Жәнібекті жекпе-жекке шақырды

Кубалық боксшы Йоэнлис Эрнандес (9-0, 8 КО) орта салмақта әлем чемпионы атағы үшін айқасуды мақсат етіп отыр, деп хабарлайды Vesti.kz.

Бұл туралы bharski блогері мәлімдеді. Ол Эрнандеспен жаттығу жиыны кезінде тілдескен екен.

"Йоэнлис Эрнандес дайындық үстінде. Ол биыл кез келген чемпионмен (Адамес, Лара немесе Жәнібек) алғашқы титулдық жекпе-жегін өткізгісі келеді. Мен пікірін сұрағанда, Йоэнлис: "Иә, біз чемпиондармен әрдайым жұдырықтасуға дайынбыз", - деп жауап берді", - деп жазды bharski.

Yoenli Hernandez is in CAMP MODE??

He's looking to have his first title shot this year against ANY champion (Adames, Lara or Janibek)

When I reached out for a comment, Yoenli said "Yes, we are always ready for a champion"? pic.twitter.com/xnwEvE49oR

— bharski (@hatebhar23) January 13, 2026

Еске салайық, Жәнібек Әлімханұлы орта салмақта WBO және IBF белбеулеріне ие, WBC титулы доминиканалық Карлос Адамес, ал WBA белбеуі кубалық Эрисланди Ларада.

Йоэнлис Эрнандес кәсіпқой бокста 2022 жылы дебют жасап, WBA нұсқасы бойынша Латын Америкасының чемпионы атағын жеңіп үлгерді. Әуесқойлар арасында ол екі дүркін әлем чемпионы атанған.