Қазақстандық ауыр салмақтағы боксшы Иван Дычко (15-0, 14 КО) келесі жекпе-жегін 13 қыркүйекте АҚШ-тың Лас-Вегас қаласында өткізеді. Бұл бокс кешінің басты оқиғасы мексикалық Сауль Канело Альварес (63-2-2, 39 КО) пен америкалық Терренс Кроуфорд (41-0, 31 КО) арасындағы айқас болады, деп хабарлайды Vesti.kz.
Дычконың қарсыласы америкалық кіші Джермейн Франклин(23-2, 15 КО). Олардың жекпе-жегі 10 раундқа есептелген. Бұл туралы әлеуметтік желілерде Дана Уайт жариялады.
Қазақстандық боксшы кейінгі рет шілде айында жекпе-жек өткізді, ол кезде ол бірінші раундта америкалық Самуэль Кросседі (11-5-1, 7 КО) нокаутқа түсірді.
Әуесқойдағы карьерасында Дычко екі рет Азия чемпионы атанды (2013, 2015), екі рет Олимпиада ойындарының қола жүлдесін жеңіп алды (2012, 2016), сондай-ақ, әлем чемпионаттарында үш рет жүлдеге ие болып, екі рет күміс алды (2011, 2013, 2015).
Ұлыбританиялық боксшы Энтони Фаулер бір спаррингте Дычко IBF, WBA, WBO және IBO нұсқалары бойынша бұрынғы әлем чемпионы британиялық Энтони Джошуаны (28-4, 25 КО) нокдаунға түсіргенін айтқан болатын.