Белгілі промоутер Эдди Хирн британиялық Энтони Джошуа украиналық Александр Усикті қарымта жекпе-жекте нокаутқа түсіретінін айтты, деп хабарлайды Vesti.kz тілшісі.
"Менің болжамыма назар аударыңдар. Бұл жолы Джошуа Усикті нокаутқа түсіреді. Алтыншы раундта нокаутқа түсіреді", - деп жазады журналист Майкл Бенсон Хирннің сөзін келтіріп.
The Ring басылымының тұжырымы бойынша Усик пен Джошуа арасындағы айқас 2021 жылдың ең үздік кездесуі болып тіркелді. 12 раундқа созылған жекпе-жек 116-112, 117-114, 115-113 есебімен украиналық былғары қолғап шеберінің пайдасына аяқталды. Осының арқасында Усик супер ауыр салмақта WBA Super, WBO, IBF және IBO тұжырымдары бойынша әлем чемпионы атанды.