DAZN платформасы ұйымдастырған бокс кеші сенсациямен аяқталды

АҚШ-тың Калифорния штатына қарасты Фресно қаласында кәсіпқой бокстан мексикалық Элвин Сото (19-2, 13 КО) мен пуэрторикалық Джонатан Гонсалес (25-3-1, 14 КО) арасында жекпе-жек өтті.

Қос мықтының WBO белбеуін сарапқа салғанын айта кеткен жөн. Осы орайда 24 жастағы Сото төртінші рет титулын қорғау үшін айқасты. Тартысты кездесу аяқталғанша қарсыласын қуып жүріп соққы жасағанына қарамастан, төрешілер шешімі көпшілікті таң қалдырды.

12 раундтың нәтижесі бойынша 116-112 (Сото), 116-112 (Гонсалес) және 116-112 (Гонсалес) пуэрторикалық былғары қолғап шебері жеңіске жетті.

Осылайша, Гонсалес аса жеңіл салмақта WBO чемпионы атанды.  

AND THE NEW ?

Jonathan Gonzalez, WBO Junior Flyweight champion! ?? pic.twitter.com/1PY4E8gJFj

— DAZN Boxing (@DAZNBoxing) October 17, 2021