Олимпиада чемпионы Данияр Елеусінов (12-0, 7 КО) келесі жекпе-жегін 19 шілде күні АҚШ-тың Вашингтон штатында өткізеді, деп хабарлайды Vesti.kz.
Оның қарсыласы 30 жастағы филиппиндік Джеймс Бэйкон (26-5, 17 КО) болады. Жекпе-жек бірінші орта салмақ дәрежесінде өтеді және сегіз раундқа жоспарланған.
Бұл айқас Елеусінов үшін TKO Boxing ұйымы аясында дебют болады - бұл UFC президенті Дана Уайт пен Сауд Арабиясының суперинвесторы Турки Әл-аш Шейх негізін қалаған жаңа ұйым.
Елеусінов бұған дейін филиппиндік боксшылармен кездескен. 2024 жылдың қыркүйегінде Алматыда қазақстандық боксшы Джо Нойнойды (23–5) нокаутқа түсірген еді.
Данияр 28 ақпанда Астанада рингке қайта шығуы тиіс еді, бірақ оның жекпе-жегі өтпей қалды.
Данияр Елеусінов – Олимпиада ойындарының чемпионы (2016), әлем чемпионы (2013), Азия ойындарының екі дүркін чемпионы (2010, 2014), Азия чемпионы (2013, 2015). Кәсіпқойда жартылай орта салмақта IBF Inter-Continental титулына ие.
Жарнама