Бүгін, 19 қазан күні, Семей қаласында бокстан Қазақстан чемпионатының ширек финалдық жекпе-жектері өтеді, деп хабарлайды Vesti.kz.
Рингке ұлттық құрама мүшелері — Серік Теміржанов, Абылайхан Жүсіпов, Диас Молжігітов, Теміртас Жүсіпов, Сағындық Төғамбай, Сәкен Бибосынов және басқа да белгілі былғары қолғап шеберлері шығады. Бұл спортшылар бұған дейін де ел намысын ірі халықаралық турнирлерде абыроймен қорғаған.
Күндізгі сессия Астана уақытымен 14:00-де, ал кешкі сессия 18:00-де басталады.
Жекпе-жектердің тікелей трансляциясын Qazsport арнасы көрсетеді, сондай-ақ эфирді арнаның ресми сайтынан да көруге болады.
Айта кетейік, Қазақстан чемпионаты 15 қазанда басталып, 21 қазан күні өз мәресіне жетеді.
Жарнама