Бірінші ауыр салмақтағы қазақстандық боксшы Али Балоев (10-0, 7 КО) кәсіпқой рингтегі келесі жекпе-жегін 27 ақпан Алматыда өткізеді. Бұл туралы МТК Kazakhstan менеджерлік компаниясының Instagram парақшасында хабарланған.
27 жастағы қазақстандықтың қарсыласы 39 жастағы ресейлік Денис Царюк (12-4, 10 КО) болады.
Кейінгі рет Балоев былтыр жазда жұдырықтасқан. MTK Kazakhstan ұйымдастырған кеш Алматыда өткен, Али ол кезде белоруссиялық Юрий Быховцевті төрешілер шешімімен жеңген еді.