Бір ұрып айналдырып түсірді. IBF-тің іріктеу айқасы бір-ақ минутта ауыр нокаутпен бітті

Филиппиндік боксшы Миэлю Фахардо (14-3-2, 12 КО) аса жеңіл салмақта IBF белбеуіне міндетті үміткер атану үшін өткен іріктеу жекпе-жегінде аргентиналық Тобиас Рейесті (18-2-1, 16 КО) нокаутпен жеңді, деп хабарлайды Vesti.kz.

Жекпе-жек Аргентинаның Санта-Фе қаласында өтіп, бірінші раундта аяқталды. Айқас небәрі 65 секундқа созылды: осы уақыт ішінде жергілікті фаворит үш рет нокдаунға түсіп, кездесу ауыр нокаутпен бітті.

?UPSET in Santa Fe, Argentina overnight as 3/1 underdog Miel Fajardo stopped home town fighter Tobias Reyes just 65 seconds in an IBF Flyweight Final Eliminator

Fajardo is now mandatory for champion Masamichi Yabuki pic.twitter.com/khC324ClNv

— Tokkerū (@ATokkers5) April 12, 2026

Айта кетейік, жекпе-жекке дейін IBF рейтингінде үшінші орында тұрған Рейес бұған дейін де элиминатор кездесуде жеңілген болатын - 2024 жылы ол Феликс Альварадоға төрешілердің бөлек шешімімен есе жіберген. Кейін 2025 жылы екі жеңіске қол жеткізген еді.

Ал Фахардо бір жыл ішінде рейтингте 13-орыннан 4-орынға көтеріліп, енді аса жеңіл салмақтағы IBF чемпионы Масамичи Ябукиге қарсы міндетті қарсылас атанды.