Бокстан Өзбекстан чемпионатында 15 қазақ сынға түседі

Ташкентте ерлер мен әйелдер арасында бокстан Өзбекстан чемпионаты басталып кетті. Бұл жарысқа жергілікті 15 қазақ боксшы қатысады екен, деп жазады Sportnews.kz.

Олардың ішінде екеуі Өзбекстан құрамасында бар боксшылар - 2023 жылғы әлем чемпионы Руслан Абдуллаев (63,5 келі) және 2021 жылғы әлем біріншілігінің қола жүлдегері Мадияр Сайдрахимов (92 кг).

Олардан бөлек бұл турнирге Саят Ильясов, Сабыржан Тастанов, Арман Маханов, Қазбек Есенгеллиев, Ғанибек Мұратқасымов, Машрап Абдукаим, Асылхан Анарбаев, Мадияр Данияров, Айдос Тағайбаев, Амантай Шаланов, Иманғали Жайлауов, Сүндет Мұратов және Нұрислам Абдуллаев қатысады.