Бокстан Қазақстанның ерлер құрамасы 2026 жылы алғашқы оқу-жаттығу жиынын бастады. Боксшыларымыз жаңа маусымға дайындықты Түркістан облысындағы жаттығу базасында өткізуде.
Қазақстан бокс федерациясының баспасөз қызметінің мәліметінше, жиынға 50 спортшы қатысып жатыр.
"Еліміздің барлық өңірінен жиналған боксшылар физикалық және функционалдық дайындықтарын арттырумен қатар, жалпы жаттығу көлемін жинақтауға басымдық береді. Сондай-ақ спортшылар төзімділікті арттырып, жаңа маусымда өтетін алдағы жарыстарға қажетті базаны қалыптастырады", - делінген хабарламада.
Жаттығу жиындары 25 қаңтарға дейін болатынын айта кетейік.
Жарнама