Бокс ұйымы британиялық чемпионды Жәнібекпен айқаспай қойғаны үшін жазалады

Бүкіләлемдік бокс ұйымы (WBO) британиялық Хамз Ширазды (21-0, 17 КО) ұйым рейтингінен шығарып тастады. 

Британиялық боксшы қазақстандық Жәнібек Әлімханұлына міндетті қарсылас еді, алайда ол ұйым чемпионмен жұдырықтасудан бас тартты. Осыдан кейін WBO оны ұйымның топ-15 рейтингінен шығарып тастады. Ал бұған дейін ол тізімде бірінші еді. 

Жаңартылған рейтингте енді бірінші орында британиялық Дензел Бентли (20-3-1, 17 КО) тұр. 7 желтоқсан Лондонда (Англия) ол WBO рейтингінде екінші тұрған отандасы Брэд Полспен айқасады (19-1-1, 11 КО). Жекпе-жек жеңімпазы Әлімханұлына міндетті қарсылас атанады. 

Шираз Британиялық достастық пен Еуропа чемпионы (EBU), орта салмақта WBC Silver титулына ие екенін айта кетейік.