Бибосыновты жарыстан шығарған Дусматов Азиада жүлдесіне ілікті

Өзбекстандық боксшы Хасанбой Дусматов Азия ойындарының жартылай финалына өтті, деп хабарлайды Vesti.kz.

51 келі салмақтағы 1/4 финалда Дусматов пәкістандық Зохаиб Рашидпен жұдырықтасып, төрешілер шешімімен жеңіске жетті. 

Осылайша, өзбекстандық боксшы жартылай финалға өтіп, кемі қола жүлдеге ілігіп отыр. 

Еске салайық, 1/8 финадла Хасанбой қазақстандық Сәкен Бибосыновты жарыс жолынан шығарған болатын.

Дусматов 2016 жылғы Олимпиада чемпионы, сонымен қоса, Азия чемпионатының үш дүркін жеңімпазы (2015, 2017, 2022).