Қазақстандық боксшы Сәкен Бибосынов IBA Дубайда (БАӘ) өткізіп жатқан әлем чемпионатының 1/4 финалына өтті, деп хабарлайды Vesti.kz.
54 келіге дейінгі салмақтағы 1/8 финалда Сәкен Танзаниядан келген Факи Исса Факимен кездесті. Бибосынов бірінші раундты сенімді түрде 5:0 есебімен өз пайдасына шешті.
Екінші үш минуттық кезеңнің басында қазақстандық боксшыға нокдаун есептелді. Осыдан кейін Бибосыновтың өзі қарсыласы екі рет несеңгіретіп тастады, ал раунд қазақстандықтың пайдасына 5:0 болып аяқталды.
Үшінші раундта да танзаниялық боксшыға тағы бір нокдаун есептелді. Бибосынов бұл жекпе-жекте 5:0 есебімен төрешілердің ортақ шешімімен жеңіп, 1/4 финалға өтті.
Жарнама