Бірінші жартылай орта салмақтағы қазақстандық боксшы Батыр Жүкембаев (21-1, 16 КО) аргентиналық Уго Альберто Ролданды (22-2-1, 7 КО) жеңгеніне қатысты пікірін білдірді, деп хабарлайды Vesti.kz.
АҚШ-тың Плант-Сити қаласында өткен бокс кешінде өткен бұл жекпе-жекте WBA NABA (Солтүстік Америка чемпионы) атағы сарапқа салынған болатын. Жүкембаев бұл жекпе-жектің бірінші раундында нокдаунға түсті, алайда қайта тұрып, жеңіске жетті.
"Ыңғайсыз стиль, бірақ ақыры істі соңына дейін жеткіздім. Келесі кім?", - деп жазыпты Жүкембаев твиттерде.