"Басымды қатерге тіктім". Әлімханұлынан таяқ жеген боксшы алғаш рет пікір білдірді

Британиялық Дэнни Дигнум (14-1-1, 8 КО) қазақстандық Жәнібек Әлімханұлынан (12-0, 8 КО) жеңілгеннен кейін бірінші рет пікір білдірді, деп хабарлайды Vesti.kz тілшісі.

"Мен мықты боксшыға қарсы кездесуде жеңілдім. Жекпе-жекке келісімімді беріп, басымды қатерге тіккенімді алдын ала білдім. Алайда бұл айқастан бас тартқым келмеді. Маған қолдау көрсетіп жүрген баршаңызға алғыс айтамын. Сонымен қатар, демеушілерге рахметімді айтамын. Жәнібек пен оның командасын құттықтаймын. Ол өте сапалы боксшы. Аздаған үзілістен кейін қайта ораламын", - деді Дигнум.

Еске салайық, Лас-Вегастағы бокс кешінде Жәнібек Әлімханұлы британиялық қарсыласын екінші раундта нокатуқа түсірді.