Бас бапкер қазақ боксшылар Азия чемпионатында ненің арқасында дүркірегенін айтты

Бокстан Қазақстанның жастар құрамасының аға бапкері Қайрат Сатжанов Араб әмірліктерінде өткен турнирді қорытындыладын деп хабатлайды Vesti.kz.

"Біздің командада отансүйгіштік бірінші орында. Финалдық жекпе-жектер 30 тамызда, Конституция күні өткенін білесіздер. Шәкірттеріме - сендер Қазақстанның жер көлемі бойынша әлемдегі тоғызыншы орындағы мемлекет екенін білесіңдер ме? Осындай ұлан-байтақ жерді бізге батыр ата-бабаларымыз аманат етіп тапсырып кеткен, осыны әрқашан есте сақтап жүріңдер. Спорт арқылы елімізді дүниежүзіне танытуымыз керек - дедім. Намыстарын қайрап отырдым. Елнұр Сүйінбай Азияның үздік боксшысы атанды. Құрамадағы әр боксшы мұндай атаққа лайық еді негізі. Барлығының өнеріне көңілім толды", - деп береді Қайрат Сатжановтың сөзін ҚБФ баспасөз қызметі.

Қайрат Сатжанов пен Елдос Сайдалин баптайтын ұлдар мен қыздар құрамалары Азия біріншілігінде жалпыкомандалық бірінші орынды жеңіп алды. Жігіттер 11 алтын, 2 күміс, 2 қола, қыздар 3 алтын, 4 күміс, 3 қола медаль иеленді. Барлығы 22 жүлде.

63,5 келіге дейінгі салмақта өнер көрсететін Елнұр Сүйінбай чемпионаттың үздік боксшысы атанды.