Екінші орта салмақта IBF чемпионы кубалық Уильям Скулл (23-0, 9 КО) осы дивизионда WBA, WBO, WBC титулдарына ие мексикалық Сауля "Канело" Альваресті (62-2-2, 39 КО) жеңетініне сенімді, деп хабарлайды Vesti.kz.
Кубалық боксшының айтуынша, "Канело" біраздан бері америкалық Теренс Кроуфордпен (41-0, 31 КО) жекпе-жекке шығуды ойлап жүр.
"Біздің жекпе-жек немен бітетінін күтпей жатып Кроуфордпен айқас туралы айту - маған деген құрметсіздік. Бірақ мен мұндайға үйреніп қалғанмын. Бәрі солай сөйлейтін... Ал мен әлемді таңдандрымақпын.
Тыңдаңыз, мен өзіме не керегін нақты білемін. 3 мамырда мен қолымнан не келетінін паш етіп, бәрінің аузын жабамын. Бәріңіз көресіздер", - деп береді Скуллдың сөзін Essentially sports.
Жарнама