Қазақстандық Санжаралы Бегалиев Бангкокта (Таиланд) өтіп жатқан 19 және 22 жасқа дейінгі боксшылар арасындағы Азия чемпионатының жартылай финалына өтті, деп хабарлайды Vesti.kz.
80 келіге дейінгі салмақтағы 22 жасқа дейінгі санатта Бегалиев Оңтүстік Кореялық боксшы Сон У Чанмен жұдырықтасты.
Бірінші раундта қазақстандық боксшы айқын басымдықпен жеңіске жетті - 5:0. Екінші раунд та дәл осындай есеппен Санжаралының пайдасына аяқталды.
Үшінші раундта жекпе-жек тоқтатылып, Бегалиев мерзімінен бұрын жеңіске жетті.
6 тамыз күні жартылай финалда ол Үндістандық Анкушпен кездеседі. Жартылай финалға жолдама Бегалиевке Азия чемпионатының кемінде қола жүлдесіне жетіп отыр.
Жарнама