Айқасқа шыға алмағаны үшін. WBO жеңілмеген қазақ боксшыны "жазалады"

Бүкіләлемдік бокс ұйымы (WBO) барлық салмақтағы рейтингін жаңартты. 

Жаңа тізімде орта салмақтағы қазақстандық Мейірім Нұрсұлтанов (20-0, 11 КО) төртінші орыннан жетіге түсіп қалды. Ал алғашқы үштік өзгерген жоқ: британиялықтар Хамза Шираз, Дензел Бентли және америкалық кіші Шейн Мозли. Ұйым чемпионы Жәнібек Әлімханұлы. 

Еске салайық, Нұрсұлтанов кейнігі рет 2023 жылы қарашада жұдырықтасып, WBC желісі бойынша чемпионға үміткерді анықтайтын айқаста чилилік Хулио Аламосты жеңген болатын. 

Содан кейін, биыл 13 шілдеде Мейірім кезекті айқасын өткізу керек еді, алайда ол өтпей қалды.