Ауыр салмақта әлемнің экс-чемпионы Энтони Джошуа Александр Усикпен өтетін айқасқа қатысты пікір білдірді, деп жазады Vesti.kz.
"Кезінде рингке шығып, өзіңнің мықты тұстарыңды көрсетіп жеңіске жеткен кездер болды. Бұл жолғы жекпе-жекте дұрыс тактика таңдай алмадым. Әлі де өзімнің көпшілікке көрсетпей жүрген айла-тәсілдерім бар. Усикпен ертеререк кездесіп, оған қарсы әзірлеген тактикамды көрсеткім келеді. Алдағы айқасқа дайынмын", - дейді британиялық боксшы.
Еске салайық, 2012 жылы Лондон Олимпиадасында чемпион атанған Энтони Джошуа (+91) мен Александр Усик (-90) биылғы жылдың қыркүйегінде кәсіпқой рингте кездесіп, төрешілердің бірауыз шешімімен украиналық былғары қолғап шебері WBA WBO IBF және IBO белбеулерін иеленді.