Әйгілі боксшы Майк Тайсон Өзбекстан астанасы Ташкентке барды. Ол көршілес елде өтіп жатқан WBC конвенциясы жабылу кешінің құрметті қонағы болады. Сондай-ақ, Ташкентегі бокс кешіне қонақ ретінде қатысады, деп хабарлайды Мassaget.kz.
Ташкент төріндегі бокс бәсекесінде отандасымыз Мейірім Нұрсұлтанов шаршы алаңға көтеріледі. Ол чилилік боксшы Хулио Аламоспен жұдырықтасады. Жеңімпаз WBC тұжырымы бойынша әлем чемпионы атағы үшін жекпе-жекке жолдама иеленеді.
Орта дивизионда WBC чемпионы атағы Джермалл Чарло еншісінде. Америкалық боксшы 2 жылдан бері жекпе-жек өткізбеді. Чарло 25 қараша күні отандасы Хосе Бенавидеспен (кішісі) қолғап түйістіреді.
Мейірім Нұрсұлтанов пен Хулио Аламос арасындағы жекпе-жек 12 раундқа жоспарланған. Бокс кеші 17 қараша күні өтеді.
Айта кетейік, Доминикана Республикасында өткен WBO конвенциясында Нұрсұлтанов 2023 жылдың үздік боксшысы атанды.
Ал оған дейін BoxRec порталының тұжырымы бойынша Нұрсұлтанов салмаққа қарамастан (Р4Р) Қазақстанның ең мықты боксшыларының рейтінгінде көш басына шыққан болатын. Осылайша, ол бұл рейтингте көптеген жыл көш бастап келген Головкинді алмастырды.
Сонымен қоса, қазақстандық BoxRec тұжырымы бойынша орта салмақтағы ең мықты боксшылардың топ-3 тізіміне кірді.