Қазақстандық Айбек Оралбай Италияның Бусто-Арсицио қаласында өтіп жатқан лицензиялық турнирдің ширек финалында айқасты, деп жазады Vesti.kz.
92 келі салмақта Айбектің қарсыласы америкалық Джамар Талли болды. Бұл жекпе-жекте қазақстандық боксшы 5:0 есебімен таза жеңіске жетті.
Осылайша, Қазақстан құрамасынан осы жарыста алғашқы лицензияны Айбек иеленді. Ал жалпы бұл құрама қоржынындағы үшінші жолдама, бұған дейін Қамшыбек Қоңқабаев пен Карина Ибрагимова лицензия жеңіп алған болатын.