Нью-Йоркетегі Madison Square Garden Theater аренасында Triller Fight Club компаниясы ұйымдастырған бокс кеші аяқталды. Бұл шоудың басты айқасында суперауыр салмақта WBA титулына үміткерлер америкалық Майкл Хантер (20-1-1, 14 KO) мен Майк Уилсон (21-2, 10 KO) жұдырықтасты.
Жекпе-жек төртінші раундта аяқталды. Хантердің оң қолымен жасаған соққысы қарсыласын талдырып түсірді. Уилсон әупіремдеп тұрғанымен төреші жекпе-жекті тоқтатты.
Осылайша, Хантер техникалық нокаутпен жеңіске жетті.