Ауыр салмақта жеңілмеген қазақстандық боксшы Жан Кособуцкий (19-0, 18 КО) қарсыласы ауысқан жекпе-жекке қатысты пікір білдірді, деп хабарлайды Vesti.kz.
Қазақстандықтың АҚШ-тағы дебютімен қиындықтар туып жатыр.
Бастапқыда Кособуцкий Top Rank компаниясы шілдеде АҚШ-тың Толедо қаласында өткізген бокс кешінде жергілікті Джаред Андерсонмен айқасу керек болған. Алайда қазақстандық боксшының визамен қиындықтарына байланысты жекпе-жек 26 тамыз Талсада өтетін бокс кешіне шегерілген еді. Алайда енді америкалық боксшы украиналық Андрей Руденкомен жұдырықтасатын болып қалды. Ал Кособуцкий нигериялық Эфе Аджагбамен жекпе-жек өткізеді.
"Жекпе-жек күні - 26 тамыз, орны - Құрама Штаттар, Талса қаласы! АҚШ-тағы дебют өтеді деп үміттенемін!" - деп жазыпты Кособуцкий Instagram желісінде жекпе-жек постерін жариялап.