Бірінші ауыр салмақтағы британиялық боксшы Пэт Браун (5-0, 5 КО) АҚШ-тың Орландо қаласында өткен бокс кешінде таза жеңіске жетті, деп хабарлайды Vesti.kz.
Ол екінші раундта доминиканалық Феликс Валераны (24-9, 21 КО) нокаутқа түсірді. Айқас бастапқыда он раундқа жоспарланған болатын.
Жеңіліс көрмеген Браун үшін бұл қатарынан бесінші жеңіс және бәрі нокаутпен. Ал 24 жеңісі бар Валера (21 нокаут) карьерасында тоғызыншы рет және үшінші рет нокатупен жеңіліп отыр.
THATS A DANGEROUS MAN ??#PeroThompson | Live NOW on DAZN ▪️ pic.twitter.com/uAr1oABNYW
— DAZN Boxing (@DAZNBoxing) November 2, 2025
Айта кетсек, Валера - 2010 жылғы Орталық Америка және Кариб ойындарының күміс жүлдегері, Доминикан Республикасының бірнеше дүркін чемпионы. Кәсіби мансабында ол 2015–2016 жылдары WBA нұсқасы бойынша уақытша әлем чемпионы, сондай-ақ, 2018–2020 жылдары жартылай ауыр салмақта WBA Fedelatin нұсқасы бойынша Латын Америкасы чемпионы атанған.
Жарнама