Германиядағы бокс кешінде ауыр салмақта EBU нұсқасы бойынша Еуропа чемпионы украиналық Александр Захожий (19-1, 15 КО) күтпеген жерден косоволық Лабинот Ходжайдан (20-0-1, 16 КО) жеңіліп қалды.
Жекпе-жек толық 12 раунд өтіп, оның қорытындысы бойынша Захожий ұпай санымен жеңілді (екі рет 110-116 және 111-115).
Екінші раундта Захожий қарсыласын нокдаунға түсірді, алайда Ходжай орнынан тұрып, еш бәсеңдемей айқасты. Ал оныншы раундта Лабиноттың өзі украиналықты нокдаунға түсірді.
19 жеңіске жеткен Александр үшін бұл карьерасындағы алғашқы жеңіліс. Бір рет қана тең түсіп, жеңіліп көрмеген Лабинот жеңіс сериясын жиырмаға жеткізіп отыр.