Белгілі блогер әрі біраздан бері кәсіпқой боксшы болып кеткен Джейк Пол тағы да көпшіліктің назарын өзіне аударды. Бұл жолы ол жеке рейтингінде тарихта тым артық бағаланған спортшылар тізімін жасапты, деп хабарлайды Vesti.kz Sport24 порталына сілтеме жасап.
Джейк Пол жасаған тізімнің алғашқы бестігіне нағыз әлемдік жұлдыздар тұр. Олардың қатарында "Әл-Наср" шабуылшысы Криштиану Роналду мен UFC-дің экс чемпионы Конор Макгрегор бар. Полдың пікірінше, бұл спортшылардың танымалдығы олардың нақты спорттық жетістіктеріне сай келмейді екен.
Джейк Пол нұсқасы бойынша ең артық бағаланған 10 спортшының тізімі:
Бейб Рут (бейсбол);
Тревор Лоуренс (америкалық футбол);
Криштиану Роналду (футбол);
Райан Гарсия (бокс);
Конор Макгрегор (ММА);
Дак Прескотт (америкалық футбол);
Энтони Эдвардс (баскетбол);
Сауль Альварес (бокс);
Туа Таговайлоа (америкалық футбол);
Энтони Джошуа (бокс).
Жарнама