WBC нұсқасы бойынша әлемнің бұрынғы чемпионы, украиналық боксшы Александр Гвоздик (21-3, 17 KO) Лас-Вегаста өткен жекпе-жекте нокаутқа түсіп қалды. Бұл кездесу UFC президенті Дана Уайт іске қосқан Zuffa Boxing жобасы аясында өтті, деп хабарлайды Vesti.kz.
Гвоздиктің қарсыласы АҚШ атынан өнер көрсететін, тегі сербиялық жартылай ауыр салмақтағы боксшы Радивое Калайджич (30-3, 22 KO) болды.
Жекпе-жек барысында Гвоздик бірнеше рет қарсыласын нокдаунға түсіріп, рефериге есеп ашқан болатын. Украиналық боксшы 10 раундқа жоспарланған айқаста анық жеңіске жететіндей көрінді. Алайда жетінші раунндта күтпеген жағдай болды. Калайджич қарқынын арттырып, Гвоздикті бір есеңгіретті.
Украиналық боксшы орнынан тұрғанымен, көп ұзамай екінші рет нокдаунға түсіп, жекпе-жекті жалғастыра алмады. Осыдан кейін рефери айқасты тоқтатты.
WHAT JUST HAPPENED ? ? ? ? #ZuffaBoxing02@HotRodBoxing just FLIPPED THE SCRIPT against Oleksandr Gvozdyk!!!!
— Zuffa_Boxing (@Zuffa_Boxing) February 2, 2026
Watch LIVE NOW on @paramountplus ? pic.twitter.com/1jzJtugvye
Кәсіпқой рингте Александр Гвоздиктің еншісінде 21 жеңіс және 3 жеңіліс бар. Ал Радивое Калайджич 30 рет жеңіске жеткен (22 нокаут) және 3 рет жеңілген.
Zuffa Boxing - UFC президенті Дана Уайттың бастамасымен 2026 жылдың басында іске қосылған ауқымды жоба. Ол Сауд Арабиясының Sela компаниясы мен TKO холдингінің қолдауымен құрылды. Бұл дәстүрлі бокс ұйымдарынан (WBC, WBA және т.б.) тәуелсіз жұмыс істейтін орталықтандырылған жабық бокс лигасы. Жобаның өз рейтингтері, титулдары, 200 боксшыдан тұратын ростері бар және жекпе-жектер Paramount+ платформасында көрсетіледі.
Жарнама