Орта салмақта жұдырықтасатын аргентиналық боксшы Хавьер Франсиско Масьель (34-18, 23 КО) Vesti.kz тілшісіне берген сұхбатында Қанат Исламнан (29-1, 22 KO) жеңілгеніне қатысты ойын айтты.
Қанат Ислам 23 нокауты бар "Жыртқышпен" сегіз раунд айқасты
"Қарсыласымның физикалық дайындығына таңқалдым. Ол жылдам әрі тың болды. Жекпе-жек бойы басымдық көрсетіп, маған мүмкіндік бермеді. Ол көптеген қарсыласын есеңгіретіп, сыншылардың жақсы пікірін ала алады. Оған сәттілік және арманын орындауын тілеймін. Оның мүмкіндігі бар деп ойлаймын", - дейді "Жыртқыш" лақап атты аргентиналық.