Өз заманындағы үздіктерінің бірі деп мойындалған ямайкалық Майк Маккаллум 68 жасында қайтыс болды, деп хабарлайды Vesti.kz Boxingscene.com сайтына сілтеме жасап.
2003 жылы оның есімі Халықаралық бокс даңқ залына жазылды. Маккаллум техникалық шеберлігі, жоғары төзімділігі және дәл соққыларымен ерекшеленді. Кәсіпқой карьерасында ол 49 жеңіске жетіп, 5 рет жеңілді және 1 жекпе-жекті тең аяқтаған. Ал 36 жеңісі нокаутпен аяқталған.
The legendary Mike McCallum has sadly passed away at the age of 68. ‘The Bodysnatcher’ became a three-division world champion in his illustrious Hall of Fame career and was one of the greatest technicians ever to grace the ring. RIP, champ ??? pic.twitter.com/CUUqnZhWCa
— BOXRAW (@BOXRAW) June 1, 2025
Ол үш салмақта әлем чемпионы болған. Оның ең маңызды жеңістерінің қатарында — Дональд Карриді нокаутқа түсіру және Джеймс Тони, Стив Коллинз, Майкл Уотсон сияқты атақты қарсыластарымен өткен айқастар еді. Маккаллум үлкен жетістіктерге жетсе де, көпшілікке кеңінен танымал бола қоймады, бірақ, бокс сарапшылары мен жанкүйерлері оны жоғары бағалады.
Кәсіпқой карьерасын аяқтаған соң Маккаллум Лас-Вегаста бапкер болып, өз білімін жас боксшыларға үйретті.
Оның спортзалға бара жатқан жолда көз жұмғаны хабарланды.
Жарнама