BoxingScene шолушысы Элиот Фостер Vesti.kz тілшісіне берген сұхбатында орта салмақта WBO чемпионы Жәнібек Әлімханұлына (13-0, 8 КО) титулын отандасы Мейірім Нұрсұлтановқа (18-0, 10 КО) қарсы жекпе-жекте қорғауды ұсынды.
Мейірімде WBO International титулы бар екенін айта кетейік.
Мұның алдында WBO ұйымы Әлімханұлын британиялық Лиам Смитпен (33-3-1, 20 КО) жекпе-жекке міндеттеді.
"Смит пен Әлімханұлы жекпе-жегі өтпей қалатын сияқты. Смит Юбенкпен қарымта өткізетін шығар. Рейтингте келесі тұрған Мунгия қазақстандықпен жұдырықтасқысы келмейтінін бірден айтты. Тізімде келесі Мейірім Нұрсұлтанов. Осы жекпе-жек қызықтырақ болатын сияқты", - дейді Фостер.