Америкалық промоутерлік компания Жәнібек Әлімханұлын "қорқынышты адам" деп атады

Кәсіпқой бокс жекпе-жектерін ұйымдастырумен айналысатын және Жәнібек Әлімханұлының ісін жүргізетін америкалық Top Rank промоутерлік компаниясы әлеуметтік желіде видео жариялады. 

Top Rank ол видеода Жәнібектің күшін паш етті.

"Qazaq Style - бұл ҚОРҚЫНЫШТЫ адам екенін еске салу", - делінген видеоға жазбада.

Бұл видео Жәнібектің жаңа зеландиялық Андрей Михайловичпен (21-1, 13 КО) жекпе-жегінен алынды. Бұл айқас 4 қазан Сиднейде (Аустралия) өткен болатын. 

Әлімханұлы орта салмақта WBO және IBF чемпионы.