Өзбекстандық боксшы Баходир Джалолов Ташкентте өткен әлем чемпионатын жеңіп алғаннан кейін анасымен түскен жүрек тебірентер суретін жариялады, деп хабарлайды Vesti.kz.
Джалолов 92 келіден аса салмақтың финалдық айқасында кубалық Фернандо Арзоледен басым түсіп, алтын жеңіп алды.
"Анам жәннәтім", - деп жазыпты боксшы.
Айта кетейік, Джалолов 2019 жылы Екатеренборда өткен әлем біріншілігінде де чемпион атанған. Сонымен бірге, ол 2021 жылғы Олимпиада жеңімпазы.