Жәнібек Әлімханұлының (11-0, 7 КО) командасы британиялық Дэнни Дигнуммен (14-0-1, 8 КО) жекпе-жек алдында мәлімдеме жасады, деп хабарлайды Vesti.kz.
Мұның алдында WBO ұйымының "уақытша" чемпионы атағы үшін өтетін жекпе-жектің мән-жайы айтылды.
"Бұйыртса 21 мамыр жекпе-жек. Америкада Қазақстан үшін тарихи жекпе-жек болады. Жәнібек Әлімханұлы WBО-ның чемпиондық титулына жұдырықтасады. Қарсылас британдық солақай Дигнум. Рейтингте Жәнібектен соң үшінші орында тұр. Алла амандығын берсе тарих жасаймыз. Біздің уақыт келді", - делінген "Фейсбуктағы" жазбада.