Жәнібек Әлімханұлының (12-0, 8 КО) келесі қарсыласы Дензел Бентли (17-1-1, 14 КО) кәсіпқой карьерасын қалай бастағанын есіне алды, деп хабарлайды Vesti.kz.
12 қарашада боксшылар орта салмақта WBO чемпиондығын сарапқа салады.
"5 жыл бұрын кәсіпқойдағы алғашқы айқасымды өткіздім! Бүгінде мен орта салмақта Ұлыбританияның екі дүркін чемпионымын, ал бір айдан кейін орта салмақта WBO чемпиондығы үшін айқасамын!" - деп жазыпты Бентли Twitter желісінде.
Бентли карьерасындағы алғашқы айқасында Кейси Блерді нокаутқа түсірген екен.