Қазақстандық боксшы Жәнібек Әлімханұлына (17-0, 12 КО) екінші орта салмақта WBO титулы үшін жеңіліп көрмеген даниялық Якоб Банкпен (20-0, 11 КО) жекпе-жек алдында ескерту жасалды, деп хабарлайды Vesti.kz.
Әлімханұлын қиын сынақ күтіп тұр
Сарапшылар Әлімханұлының орта салмақтан екінші орта дивизионға (супер орта салмақ) ауысқанына назар аударды. Бұл салмақта ол табиғатынан ірілеу қарсыласпен кездеседі.
"Әлімханұлын да қиын сынақ күтіп тұр. Ол орта салмақта үстемдік құрды, алайда сегіз фунтқа жоғары салмаққа ауысуы оның соққыларға төтеп беру қабілетін әрі табиғатынан ірілеу қарсыласпен жекпе-жекте жылдамдығын сақтай алуына сын болады. Егер Банк алғашқы қарқынға төтеп беріп, үнемі қысым жасап, денеге соққылар бағыттай алса, қазақстандық боксшының 168 фунтта (екінші орта салмақ) дейінгі салмақта 12 раунд бойы жекпе-жек өткізуге қаншалықты дайын екені көрінеді. Ал Банк тек жоғары қорғаныспен алға ұмтыла берсе, Әлімханұлы өзінің фирмалық сол жақтан тура соққысымен және қарсы шабуылдағы апперкоттарымен оны ауыр соққылардың астына ала алады", - деп жазады Boxingnews24.com.
Алдағы жекпе-жек бұған дейін британиялық Хамза Ширазға (24-0-1, 19 КО) тиесілі болған супер орта салмақтағы WBO белбеуінің жаңа иегерін анықтайды.
Әлімханұлы жақында салмақ дәрежесін ауыстырды
Екінші орта салмаққа ауысқанға дейін Әлімханұлы орта дивизионда WBO және IBF чемпионы болған. 2025 жылдың соңында қазақстандық боксшы WBA чемпионы кубалық Эрисланди Ларамен титул біріктіретін айқас өткізуі керек болған. Алайда Әлімханұлының допинг сынамасы оң нәтиже көрсеткеннен кейін кездесу өтпей қалды.
Кейін IBF қазақстандық боксшыны чемпиондық атағынан айырса, WBO оны бір жылға шеттетіп, чемпиондық белбеуін сақтап қалды.
Жазда Әлімханұлы екінші орта салмаққа ауысып, WBO титулын босатты. Қыркүйек айының басында қазақстандық боксшы осы ұйымның екінш орта салмақ рейтингінде бірінші орынға көтерілді.
Жарнама