Қазақстандық боксшы Жәнібек Әлімханұлы (17-0, 12 KO) кубалық Эрисланди Лара (31-3-3, 19 KO) өзіне үлкен қиындық тудыра алмайды деп есептейді, деп хабарлайды Vesti.kz.
6 желтоқсанда орта салмақтағы чемпиондар рингке шығып, үш белбеу үшін күш сынасады – қазақстандықтағы IBF және WBO, ал кубалықтың WBC белбеуі. 42 жастағы Лараның тәжірибесіне қарамастан, Әлімханұлы өз мүмкіндігіне толық сенеді.
"Әуесқойлар арасында да, кәсіпқойлар деңгейінде де мен сол қолмен жұдырықтасатын қарсыластармен талай рет кездестім. Әуесқой болған кезімде кәсіби боксқа көп көңіл бөлетінмін. Оның стилін білемін, не істей алатынын да, не істей алмайтынын да түсінемін. Бұл айқас мен үшін қиын болады деп ойламаймын", - деп келтіреді Әлімханұлының сөзін The Ring басылымы.
Кейінгі рет Жәнібек Әлімханұлы, яғни "Қазақ стилі" деген лақап атпен танымал боксшы, биыл сәуір айында Астанада рингке шыққан болатын. Оның қарсыласы франциялық Анауэль Нгамиссенге (14–1, 9 KO) еді, ол кезде IBF рейтингінде жетінші орында тұрған. Қазақстандық боксшы айқасты толық бақылауда ұстап, бесінші раундта нокаутпен жеңіске жетіп, өз чемпиондық белбеулерін сәтті қорғады.
Эрисланди Лара соңғы рет 2024 жылдың қыркүйегінде рингке шыққан. Ол кезде кубалық боксшы екі салмақ дәрежесінде бұрынғы чемпион, америкалық Дэнни Гарсияны (37–4, 21 KO) мерзімінен бұрын жеңген болатын. Бұл Гарсияның кәсіби мансабындағы алғашқы мерзімінен бұрынғы жеңілісі еді.