Орта салмақта WBO және IBF чемпионы Жәнібек Әлімханұлы (17-0, 12 KO) алдағы үлкен жоспарын айтты, деп хабарлайды Vesti.kz.
Қазақ боксшының екі мақсаты ғана бар
"Менің екі мақсатым бар. Бірінші мақсатым - орта салмақта барлық титулдарды жинау, екіншісі - "Канеломен" жекпе-жек өткізіп, оны жеңу, осымен болды", — деп жазды Жәнібек әлеуметтік желіде.
I have two goals. The first goal is to collect all the titles in the middleweight division, the second goal is to fight Canelo and win and that's it. pic.twitter.com/B4mVRCryHi
— Janibek Alimkhanuly (@qazaqstyle) April 25, 2025
Әлімханұлы кейінгі жекпе-жегін 5 сәуірде Астанада өткізіп, орта салмақта WBO және IBF нұсқалары бойынша әлем чемпионы атағын қорғап қалды. Жәнібек бесінші раундта франциялық Анауэль Нгамиссенгені (14-1, 9 KO) нокаутқа түсірді.
Сауль "Канело" Альварес (62-2-2, 39 KO) 3 мамырда Сауд Арабиясында кубалық Уильям Скуллмен (23-0, 9 KO) екінші орта дивизионда абсолют чемпион атағы үшін айқасады, ал күзде америкалық Теренс Кроуфордпен (41-0, 31 KO) кездесуді жоспарлап отыр.
Жарнама