Қазақстандық кәсіпқой боксшы Әли Ахмедов (16-1, 12 КО) салмақ өлшеу рәсіміне қатысты, деп жазады Vesti.kz тілшісі.
Америка уақытымен Ахмедов Нью-Мехико штатының Альбуркерка қаласында 36 жастағы перулік Давид Зегаррамен жұдырықтасады. Бокс әлемінде "пантерра" лақап атымен танымал спортшы кәсіпқой рингте 34 мәрте жеңіске жеткен. Оның 21 нокаутпен ұтып, 5 рет жеңілістің ащы дәмін татқан. Қазақстан уақытымен жекпе-жек кеші 1 тамыз күні таңғы уақытта өтеді.
Салмақ өлшеу кезінде Ахмедов 173 фунт (78,47 келі), ал Зегарра 174,8 фунт (79,28) келі болды.
Әли Ахмедов соңғы рет өткен жылдың желтоқсан айында эквадорлық Карлос Гонгорамен айқасып, 12 раундта нокаутқа түсіп қалған еді.