Франциялық боксшы Хассан Н'Дам Н'Жикам (38-5-0, 21 KO) қазақстандық Жәнібек Әлімханұлымен (10-0-0, 6 KO) алдағы айқасына өзгеше дайындалып жатыр, деп хабарлайды Vesti.kz.
Бұл жекпе-жек 5 қараша Лас-Вегаста өтеді деп жоспарланған.
Тегі камерундық кәсіпқой жаттығуын Монте-Карлода өткізуде. Оның дайындығына кикбокстан Еуропа және әлем чемпиондары көмектесіп жатыр екен. Хассан өзінің отандастары - Айдын Тункай (Еуропаның екі дүркін чемпионы) және 11 рет әлем чемпионы болған Седрик Думбемен спарринг өткізуде.
Әлі үш апта жалғасатын жаттығу лагерінде Н'Жикам жартылай ауыр және екінші орта салмақтағы Францияның ең мықты боксшыларымен спаррингтер өткізбек.