Жеңіл слмақта IBF ұйымының бұрынғы чемпионы америкалық Роберт Истерге (23-1-1, 14 KO) қарақшылық шабуыл жасалып, оны атып кеткен, деп хабарлайды vRINGe.com.
Оқиға Огайо штатындағы Цинциннати қаласында болған. Бірнеше қарулы адам боксшының алқа мен жүзіктерін тартып алмақ болған. Истер қашып құтылуға әрекеттенген, алайда, оның артынан оқ атылған. Қарақшылар үш оқ тиген боксшының алтын бұйымдары мен ұялы телефонын қолды етіпті.
Дәрігерлер боксшыға шұғыл операция жасап, денесінен оқтарды алып шыққанан кейін оның аман қалатынын мәлімдеді. Бірнеше сағаттан кейін Истер Twitter желісінде қысқа пост жариялады: "Сұмдық ауырып тұр".